Noble Quran » Azərbaycanca » Sorah Al-Inshiqaq (The Splitting Asunder)
Choose the reader
Azərbaycanca
Sorah Al-Inshiqaq (The Splitting Asunder) - Verses Number 25
إِذَا السَّمَاءُ انشَقَّتْ ( 1 ) 
Göy yarılacağı,
وَأَذِنَتْ لِرَبِّهَا وَحُقَّتْ ( 2 )
Və Rəbbinin buyuruğunu haqq olaraq eşidib (Ona) itaət edəcəyi zaman;
وَإِذَا الْأَرْضُ مُدَّتْ ( 3 )
Yer uzanıb dümdüz olacağı;
وَأَلْقَتْ مَا فِيهَا وَتَخَلَّتْ ( 4 )
Qoynunda olanları bayıra atıb boşaldacağı;
وَأَذِنَتْ لِرَبِّهَا وَحُقَّتْ ( 5 )
Və Rəbbinin buyurduğunu haqq olaraq eşidib (Ona) itaət edəcəyi zaman (insan dünyada yaxşı və pis əməllərinin cəzasını layiqincə alacaqdır)!
يَا أَيُّهَا الْإِنسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ ( 6 )
Ey insan! Sən (ölənə qədər) Rəbbinə doğru çalışıb çabalayırsan. Sən Ona qovuşacaqsan! (Sənin qısa ömrün gündən-günə səni Allaha yaxınlaşdırır. Ölümün gəlib çatması Allah dərgahına qovuşmaq deməkdir. Öləndən sonra Allahın hüzuruna gedib dünyada etdiyin yaxşı, pis əməllərin əvəzini tamamilə alacaqsan. Yaxşı əməllər etmisənsə, xoş halına. Pis əməllər etmisənsə, vay halına!)
فَأَمَّا مَنْ أُوتِيَ كِتَابَهُ بِيَمِينِهِ ( 7 )
Kimin əməl dəftəri sağ əlinə verilmişsə,
فَسَوْفَ يُحَاسَبُ حِسَابًا يَسِيرًا ( 8 )
Onun yüngül haqq-hesab çəkiləcək
وَيَنقَلِبُ إِلَىٰ أَهْلِهِ مَسْرُورًا ( 9 )
Və o, (Cənnətdəki) ailəsinin (yaxınlarının) yanına sevinclə qayıdacaqdır!
وَأَمَّا مَنْ أُوتِيَ كِتَابَهُ وَرَاءَ ظَهْرِهِ ( 10 )
Kimin əməl dəftəri arxa tərəfdən (sol əlinə) verilmişsə,
فَسَوْفَ يَدْعُو ثُبُورًا ( 11 )
O: “Ay öldüm!” – deyə şivən qopardacaq,
وَيَصْلَىٰ سَعِيرًا ( 12 )
Və Cəhənnəmə vasil olacaqdır!
إِنَّهُ كَانَ فِي أَهْلِهِ مَسْرُورًا ( 13 )
O, (dünyada) öz ailəsi (yaxınları) arasında sevinc içində idi.
إِنَّهُ ظَنَّ أَن لَّن يَحُورَ ( 14 )
Və elə zənn edirdi ki, (öləndən sonra dirilib haqq-hesab üçün Rəbbinin hüzuruna) qayıtmayacaqdır.
بَلَىٰ إِنَّ رَبَّهُ كَانَ بِهِ بَصِيرًا ( 15 )
Xeyr! (Onun düşündüyü kimi deyildir. O, qiyamət günü dirilib Allahın hüzuruna qayıdacaqdır). Həqiqətən, Rəbbi onu görürdü.
فَلَا أُقْسِمُ بِالشَّفَقِ ( 16 )
And içirəm şəfəqə,
وَاللَّيْلِ وَمَا وَسَقَ ( 17 )
Gecəyə və (gecənin) qoynuna aldıqlarına,
وَالْقَمَرِ إِذَا اتَّسَقَ ( 18 )
Bədirlənməkdə olan aya ki,
لَتَرْكَبُنَّ طَبَقًا عَن طَبَقٍ ( 19 )
Siz (ey kafirlər, qiyamət günü) haldan-hala düşəcəksiniz!
فَمَا لَهُمْ لَا يُؤْمِنُونَ ( 20 )
Onlara nə olub ki, iman gətirmirlər?
وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩ ( 21 )
Özlərinə Qur’an oxunduqda səcdə etmirlər?
بَلِ الَّذِينَ كَفَرُوا يُكَذِّبُونَ ( 22 )
Əksinə, kafir olanlar (Allahın vəhdaniyyətini və ayələrini) təkzib edirlər.
وَاللَّهُ أَعْلَمُ بِمَا يُوعُونَ ( 23 )
Halbuki Allah onların (ürəklərində) gizlətdiklərini ən gözəl biləndir!
فَبَشِّرْهُم بِعَذَابٍ أَلِيمٍ ( 24 )
(Ya Peyğəmbər!) Onlara (qiyamət günü düçar olacaqları) şiddətli bir əzabla müjdə ver!
إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ ( 25 )
İman gətirib yaxşı əməllər edənlər istisna olmaqla! Onları (Cənnətdə) minnətsiz (tükənmək bilməyən) mükafat gözləyir!
Random Books
- Ey İslam Təbliğatçıları, Tövhid Hər Şeydən ÖncədirHörmətli müsəlman qardaşım! Bu risalə, əsrimizin dahi alimi, yüzlərlə elmi fitvanın və möhtəşəm əsərlərin müəllifi, on minlərlə hədisin üzərində misilsiz elmi tədqiqatlar aparmış hədis mütəxəssisi, sünnəyə sarılmağı ilə zəmanəsinin sələfinə sarsılmaz arxa olmuş hörmətli şeyx Məhəmməd Nasiruddin Əl-Əlbaninin (Allah onun qəbrini nurla doldursun) İslam ümmətinə verdiyi dəyərli nəsihətlərdən bəhs edir. Kitabda Hər bir müsəlmanın bilməsi vacib olan önəmli məsələlərdən söz açılır
Source : http://www.islamhouse.com/p/328821
Download :
- Şəfa Duaları və OvsunlarKitabçada Allahın nazil etdiyi, peyğəmbərlərin dilədiyi , həmçinin Məhəmməd peyğəmbərin etdiyi dua və zikrlər verilmişdir.
Source : http://www.islamhouse.com/p/328860
Download :
- Səbr Etməyin QaydasıUca Allah öz peyğəmbərinə səbrli olmağı əmr etmiş və buyurmuşdur: "Ya Rəsulum! Allah yolunda olan bütün əzab-əziyyətə) səbr et. Sənin səbr etməyin yalnız Allahın köməyilədir." (ən-Nəhl,127)
Reveiwers : Ramil Həsən
Translators : Muxtar Əli
Source : http://www.islamhouse.com/p/328731
Download :
- İSTİXARƏ (Uğurun sirri, xeyir-bərəkət açarı)Nə qədər ağıllı, elmli və müdrik olur olsun, hər bir insan öz Rəbbinə, onu yaradana istənilən an möhtacdır və əbədi olan bu yeganə varlıq hər bir göz qırpımında belə mütləq ona lazımdır.
Source : http://www.islamhouse.com/p/328718
Download :
- İnsanların əhəmiyyət vermədiyi haramlar və onlardan çəkinməBu kitabda İslam əxlaqı və əqidəsinin ən mühüm məsələlərindən olan insanların çoxunun əhəmiyyət vermədiyi haramlar və onlardan çəkinmə haqqında geniş məlumat yer almaqdadır. Hər bir müsəlman Allah və rəsulunun haram buyurduğu əməllərdən çəkinməlidir. Bu kitabı tərcümə edərək oxucularımıza təqdim edəm Fərahim qardaşımızdan Allah razı olsun.
Source : http://www.islamhouse.com/p/328767
Download :
